Sweet umamin…elyang-elya kay Alex Medina

NAELYA talaga ako kay Alex Medina! Grabe!” Ito ang inamin ni John Lapus matapos silang maghalikan at mag-sex para sa horror-comedy film na “Echorsis”.

Ayon kay Sweet, “Magpakatotoo na tayo, oo, naapektuhan ako sa bed scene namin ni Alex, oo, may naramdaman ako habang ginagawa namin ‘yun at oo, yung nakita n’yo sa kumalat niyang litrato, totoo ‘yun!”

Ang tinutukoy niya ay ang photo scandal ng aktor kung saan kitang-kita ang kanyang pagkalalaki. Sey ni Sweet, talagang may ipagmamalaki si Alex kaya hindi raw dapat itong mahiya.

Pagkatapos ng ginanap na celebrity screening ng “Echorsis” na dinaluhan ng buong cast at ng mga producer ng movie headed by Chris Cahilig, nakachikahan namin si Sweet at dito nga niya ikinuwento kung paano siya naglaway-laway kay Alex Medina.

Isang lalaking pahada sa mga bading ang role ni Alex sa movie, pero niloloko niya ang mga ito para lang makapanghuthot dahil balak na niyang pakasalan ang kanyang girlfriend. May bed scene siya kasama si Sweet at meron din siyang intimate scene kasama si Negi, ang gay comedian na sumikat sa Gandang Gabi Vice.

Ayon kay John, talagang naloka raw siya sa mga eksena nila ni Alex, palaban daw kasi ito sa hubaran dahil tumanggi raw itong mag-plaster, “Wala naman daw siyang malisya sa akin, kaya hindi na siya nag-plaster. Eh ang nakakaloka, ako ang tinelagan (na-arouse)! Ha-hahaha!”

Matapos ang nasabing eksena tumakbo agad si Sweet sa banyo para magpakalma, “Ang hirap, kasi type ko naman talaga si Alex. Si Alex kasi ang tipo ng lalake, na hindi kaguwapuhan, pero hindi rin pangit. Pero, bet na bet ng mga beki. Ang kaguwapuhan ni Alex, pambakla talaga.

“So, pasok na pasok siya sa akin. Eh, sa movie, ang sweet pa niya sa akin. Hinahalik-halikan talaga niya ako.

“Yung mga eksena namin, pinutol na nga, kasi si Alex, game na halikan ako sa lips. Tapos, may mga eksena talaga na bukol na bukol ang notes niya. Ang hirap ng sitwasyon ko. Muntik ko na talagang hindi kayanin!” kuwento pa ng komedyante.

Marami raw mga eksena sina Sweet at Alex sa movie na naputol dahil hinabol nila ang MTRCB rating na PG-13 para mas marami raw bagets ang makapanood. Sey nga ni Sweet, patuloy daw na dumarami ang mga batang beki ngayon kaya naniniwala siya na kapag nanood lahat ang mga ito, tiyak na blockbuster ang “Echorsis”.

In fairness, nakakatawa talaga ang “Echorsis”, kung nag-enjoy kayo noon sa “Zombadings” ni Martin Escudero, tiyak na magugustuhan n’yo rin ang obrang ito ni Lemuel Lorca. At hindi lang ito basta comedy, yung horror factor ng movie ay winner din dahil sa ginamit na special effects, lalo na sa mga “sanib” moments ni Alex at ni Kiray Celis. Sinisiguro namin sa inyo na hindi masasayang ang ibabayad n’yo sa sinehan.

Nakiusap din si Alex sa mga manonood na sana’y suportahan ng LGBT community ang kanilang pelikula na showing na sa April 13 nationwide to be released by Quantum Films.

“Sana sumugod sa sinehan ng Echorsis ang milyon-milyong manonood opening day pa lang para manatili ito sa line up ng mga pelikula. Naranasan namin sa ‘Heneral Luna’ na matanggal dahil mahina ang benta ng ticket nung first day. Mabuti na lang naging matagumpay ang campaign sa social media na madagdagan ang mga sinehan,” aniya.

Natanong naman si Sweet kung nagtangka na rin ba siyang magpakamatay nang dahil sa lalaki tulad ng nangyari sa kanya sa movie? “Naisip ko ring magpakamatay noon, pero hindi dahil sa isang lalake. Buti na lang, hindi natuloy,” chika ni Sweet.

Ka-join din sa “Echorsis” sina Kean Cipriano na first time gumanap na isang pari pero sa huli ay umamin ding isang bading, Chokoleit, Alessandra de Rossi, Mich Liggayu, Ruby Ruiz, Bekimon, Nico Antonio, Francine Garcia, Odette Khan, ang mga miyembro ng boy band na 1:43 na sina Yuki Sakamoto, Anjo Resurreccion, Gold Aquino at Yheen Valero at marami pang iba.

Showing na ang “Echorsis” sa April 13 sa mga favorite n’yong sinehan kaya sugod na mga beki!

May dahilan kung bakit binura ang mga litrato ni Kakai sa Instagram Ahron sa pambabastos ng Bashers

HINDI na rin nakatiis si Ahron Villena sa pamba-bash ng mga netizen dahil sa ginawa niya kay Kakai Bautista. Sinagot na ng hunk actor ang mga panlalait at pambabatikos sa kanya ng bashers.

Nagalit kay Ahron ang ilang netizens matapos niyang i-friendzone si Kakai na pinaasa lang daw niya na pwede silang maging magdyowa. Mas tumindi pa ang pambabatikos sa binata nang burahin niya ang mga litrato nila ni Kakai sa kanyang Instagram account.

Sa kanyang Instagram account nag-post ng mahabang mensahe si Ahron para sa lahat ng kanyang bashers. Narito ang kabuuan ng kanyang IG post. “D ko po alam kung pano ako magsisimula o kung kelangan ko pa po mag post ng reaction ko.

“But I guess as much as I don’t want it to happen eh affected na rin nga ako sa mga pangbabash sa akin na nagaganap sa so cial media. “I try my best to remind myself that most of the REACTIONS happening online are reactions base only sa mga bagay na nakikita niyo sa fb o ig.

Pero alam naman natin na kakapiranggot lang yun ng totoong buhay. “Pero alam kong kaya kong sabihin ng walang alinlangan that I DON’T DESERVE a lot of the things that were said against me.

“Itong mga nakaraan araw lagi kong sinasabi sa sarili ko na tanggipin lahat ng pwedeng masabi sa akin – masama, manggagamit o paasa. Pero tao rin lang po ako na naapektuhan din.” “Yun tungkol po sa amin ni Ms. Kakai Bautista.

Lahat ng memories namin na nakita niyo sa social media ay isang bagay na mahalaga sa akin. “But with all humility gusto ko pong sabihin na hindi ko naman po aalisin yun mga yun kung wala pong dahilan. Kung ano po yun dahilan na yun, sa nga-yon po hinihinge ko nalang na sa amin nalang muna po yun.

“But whatever it is please realize na hindi po ako tanga o masama para basta na lang po burahin yun mga yun sa social media. “Please don’t judge me or don’t judge us base on what you may have heard.

But if you really have to i humbly request you to direct it to me but even as I say this I still appeal to all of you to stop all the hate. “Mas masaya po kung good vibes lang lagi!

Gloc 9 hihingi lang ng tawad kung mapatutunayang nagkasala siya Chito ipinagtanggol si Gloc: Relax lang, parekoy!

MAINIT pa ring pinag-uusapan ngayon ng mga netizen sa social media ang pagkanta ng premyadong rap icon na si Gloc 9 sa kampanya kamakailan ng mga Binay sa Makati City.

Maraming nam-bash kay Gloc 9 dahil dito, sabi ng ilang followers niya, pera-pera lang daw pala ang OPM artist. Bakit daw pumayag siyang mag-perform sa stage ng pamilya Binay kapalit ng malaking halaga. Sana raw kung sino ang iboboto niya sa darating na eleksiyon, iyon na lang ang ikampanya niya.

Ngunit ayon naman sa management ng award-winning rapper, kumanta lang doon si Gloc 9 para magbigay ng entertainment sa mga tao hindi para ikampanya ang mga Binay.

Kung merong bumatikos sa rap icon, meron ding mga kumampi at nagtanggol dito, kabilang na si ang vocalist ng Parokya Ni Edgar na si Chito Miranda. Sa kanyang Instagram account, ni-repost nito ang naging pahayag ni Gloc 9 tungkol sa issue.

Sabi ni Chito, “Relax lang parekoy! Smart people will understand and respect you…the others who don’t, don’t matter. #Repost @glocdash9.”

Narito naman ang kabuuang pahayag ni Gloc 9 para idepensa ang kanyang sarili: “Pinag sabihan po ako ng aking management na huwag nang magsalita tungkol dito pero di ko po kaya.

“Nais ko pong malaman ng lahat na nababasa ko ang mga saloobin ninyo at nirerespeto ko ito kahit na minsan masasakit na ang mga salitang kasama nito. Paumanhin po kung hindi nasunod ang gusto ninyo at mawalang galang na din po sa mga nagsasabing hindi pwedeng TRABAHO LANG ITO dahil ITO LAMANG NAMAN PO ANG TRABAHO KO.

“Hindi po ito hobby na naging trabaho ito po ay isang pangarap na ipinaglaban ko ng halos dalawang dekada sa kahit na saan ano at kanino at maitutuloy ko lamang ito kung ito ang magiging hanap buhay ko. Ako ay kumakanta sa entablado ng ibat ibang kandidato marahil ay hindi nyo lang gusto ang isang entabladong sinampahan ko.

“Katulad ng lahat may kanya kanyang dungis na ibinabato sa bawat isa sa kanila gayon paman i wish all the candidates good luck sa darating na elections at naway ang mapipili ay tunay na mag sisilbi at tamang mamumuno sa bayan natin.

“At sa may mga sama ng loob kung sakaling ang lahat po ng bintang duro at akusasyon ninyo sa huli ay mapapatunayang tama at tunay hihingi po ako ng tawad ngunit hindi sa kahit na sino man dahil higit sa aking pagiging manunulat ng awitin, higit sa aking pagiging ehemplo at higit sa aking pagiging mamamayan ako po ay isang Ama.

“Hihingi ako ng tawad sa aking mga anak dahil naniniwala ako na sa kanila lamang ako may pananagutan. Salamat po. Gloc-9.”

Photo scandal’ ni Enrique kalat na, pinagpiyestahan sa Facebook

HOW true may napagsabihang member ng production staff ng programang Dolce Amore dahil nakunan ng hindi kagandahang “anggulo” si Enrique Gil habang nakahiga.

Nakasuot si Tenten (karakter ni Enrique sa serye) na naka-shorts sa taping ng Dolce Amore at kinunan ito sa maling posisyon dahil bakat na bakat daw ang pagkalalaki ng aktor.

Base sa kuwento sa amin, “Habang kinukunan ang eksena ni Quen, may kumuha ng litrato hindi alam kung sino tapos hayun, ipinost sa social media, pinagpipiyestahan na.”

Nabanggit pa ng aming source, “Nagtataka lang baka may fan na nanonood ng taping o ‘yung mga nasa paligid at kinunan ng litrato, hindi naman kasi maiiwasan ‘yun na may mga nakakapanood. Lalo na kung nasa location ka.”

Para sa amin ay okay lang ‘yun dahil lalaki naman si Quen at wala naman siyang ginawang masama, sadyang pinagtripan lang siya ng kumuha at ikinalat sa social media ang photo.

Hindi nga lang maganda ang nabasa naming mga komento dahil nadamay pa si Liza Soberano na wala namang kinalaman sa litrato.

Operasyon ni Nora sa lalamunan tuloy na: Kaya talagang nag-iipon na po ako!

HANGGANG ngayon ay nag-iipon pa rin ang nag-iisang Superstar na si Nora Aunor para sa gagastusin sa pagpapaopera niya ng lalamunan sa Amerika.

Ayon kay Ate Guy, tuloy na tuloy na raw ang kanyang throat operation sa darating na Hulyo at umaasa siya na sa pagbabalik niya sa Pilipinas bago matapos ang taon ay maayos na ang kundisyon ng kanyang lalamunan.

Kung matatandaan, naapektuhan ang boses ng Superstar dahil sa napabalitang cosmetic enhancement na ginawa sa kanya sa Japan, pero sabi raw ng kanyang doktor sa Boston, pwede pa raw maibalik ang kanyang singing voice sa pmamagitan ng operasyon, “Tuloy na po iyon dahil aalis na po ako ng July, naka-schedule na po ako.

“Pagkatapos po ng last movie kong gagawin, siguro magpapahinga muna ako. At kapag naayos na yung boses ko, na matagal ko nang pinapangarap na maipaopera, iyon naman muna ang haharapin ko, ang pag-awit,” kuwento ni Ate Guy nang makachika ng ilang entertainment reporter sa presscon ng bago niyang pelikula, ang political-thriller na “Whistleblower”.

May takot ba siya sa pagdaraanan niyang operasyon? “Wala naman, iyong nangyari nga sa akin noon sa Japan…three days hindi ako nagising tapos binutasan nila ito (saby turo lalamunan). Suspetsa ko, iyon ang ooperahan. Sabi kasi ng doktor sa Boston, walang naapektuhan sa vocal chord.

“Pero malalim daw yata yung tinamaan, may nerve na tinamaan, at iyon ang ooperahan,” aniya pa.

Hindi raw biro ang halaga ng operasyon kaya ani Ate Guy, “Nag-iipon nga po ako bago umalis.”

Wala na rin daw siyang balak na humingi ng tulong pinansiyal kahit kanino, “Hindi po, nakakahiya naman po. Baka naman makayanan din, kakayanin din maibalik lang iyong boses ko.”

Dagdag pa ng Superstar, nagpapasalamat nga raw siya sa Diyos at sa mga producers na patuloy na nagtitiwala sa kanya dahil hindi siya nawawalan ng trabaho. At ang kikitain nga raw niya sa mga proyektong ito ang gagamitin niya sa kanyang operasyon.

“Kahit paano sunud-sunod pa rin po yung pelikulang gagawin ko, natutuwa naman po ako. Mula nang bumalik ako dito sa Pilipinas galing ng States, kahit papaano may mga kumukuha pa rin sa aking producers para gumawa ako ng pelikula.

“Ipinagpapasalamat ko iyan sa Diyos na magpahanggang ngayon ay hindi ako pinapabayaan,” aniya pa.

Bukod sa “Whistleblower” kung saan kasama rin sina Cherry Pie Picache at Angelica Panganiban, na palabas na sa April 6 nationwide sa direksiyon ni Adolf Alix Jr., may isa pa raw silang pelikulang gagawin ng direktor, ang “Nympho”, kung saan kakaibang challenge na naman daw ang haharapin niya bilang isang nymphomaniac.

Biro nga ni Ate Guy, “Baka dito ko na talaga maisakatuparan ang matagal ko nang pangarap na maging bold star. Ha-hahaha! Hindi, basta challenging ito at natutuwa ako na sa akin ibinigat ni direk Adolf ang proyektong ito.”

Makakasama raw ni Ate Guy dito ang mga Kapuso actors na sina Mark Herras, Kristoffer Martin at Jeric Gonzales.

Samantala, naikuwento rin ni Ate Guy sa presscon ng “Whistleblower” ang tungkol sa kanyang kapatid na si Eddie Boy na ngayon ay naka-confine pa rin sa ospital.

“Yes, na-stroke siya at hindi na maigalaw ang katawan niya. Yung ulo na lang niya. At hindi rin makasalita. P1.7 million na ang nagagastos ko, sa ospital pa lang yun. Wala pa yung doctor. Tulungan nyo naman kaming ipagdasal ang kapatid ko para bumuti na siya,” kuwento pa ng Superstar.

Alex bugbog-sarado sa bashers: Nakakabwisit ang kaartehan mo!

NAKALMOT pala ni Alex Gonzaga si Luis Manzano kaya naman naimbyerna ang fans ng TV host.

Ipinost ni Luis ang braso niyang may kalmot at nagpaliwanag naman si Alex na nagpa-planking siya nang ilagay sa bibig niya ang basang T-shirt ni Luis kaya nakalmot niya ang binata. Kaso, siya ang napuruhan sa comments sa isang popular website.

“To Cathy Bakya, bilog ang mundo, matutong mapagkumbaba bawasan ang pagka maldita. Totoo naman annoying ka bawasan ang arte ng unti,” say ng isang fan.

“Di ko magets talaga bat binibigyan pa ng project ng ABS tong si Alex. sobrang nakakainis sa pagkaOA.

Akala niya nakakatuwa sya. pareho lang sila ni Luis,” say naman ng isa pa.

May ilang bashers naman ang nagsabi na mas gusto pa rin nila si Toni Gonzaga kesa kay Alex dahil hindi ito kasing-OA niya. At di hamak daw na mas magaling na TV host at aktres ang wifey ni Direk Paul Soriano kesa kay Alex.

Maine kay Alden: Hindi ko kailanman pinlano na magkagusto sa yo!

MARAMING fans nina Maine Mendoza at Alden Richards ang naniniwala na mukhang totohanan na ang nararamdamang pagmamahal ng magka-loveteam para sa isa’t isa at hindi na aktingan lang.

Ito rin ang feeling ng mga Dabarkads ng Eat Bulaga ma-tapos ang nakakakilig at nakaka-inspire na Valentine date ng AlDub sa nakaraang episode ng kalyeserye last Saturday.

Sabi nga nina Wally Bayola (Lola Nidora) at Allan K kina Alden at Yaya. Dun mukhang hindi na aktingan ang ginagawa ng dalawa dahil parang tinototoo na ng mga ito ang kanilang love story sa kalyeserye.

Feel na feel daw kasi ni Maine ang pagbabasa sa ginawa niyang tula para kay Alden, bilang regalo niya sa binata para sa pagdiriwang nila ng Valentine’s Day.

Sabi pa ni Yaya bago basahin ang tula sa Eat Bulaga, “Kagabi ko lang ito ginawa. Totoo ‘to ha!” na talagang ikinakilig ng AlDub Nation.

Para sa mga nagre-request, narito ang kabuuan ng tula ni Maine para kay Alden kung saan ibinuhos ng dalaga ang kanyang tunay na nararamdaman para sa binata.

“Sino ka nga ba? At paano mo masasabi na ikaw ay naiiba? Ano nga ba ang papel mo sa mundong ito? “Ano nga rin ba ang papel mo sa buhay ko? Iyan ang mga bagay na tinatanong ko sa aking sarili.

“Madalas nga ay hindi ako mapakali. Sa dami ng bu-mabagabag sa aking isip. “May mga oras na sumasakit na ang aking dibdib. Sabi ng iba ay hindi ikaw ang karapat-dapat. Humanap daw ako ng iibig sa akin nang sapat.

“Kaya dapat daw akong maging maingat. Pero sino ba sila para magdikta kung sino ang karapat-dapat? “Inaamin kong ako’y takot mahulog sa isang tulad mo. Ngunit alam ko na darating ang araw na kinatatakutan ko.

“Pero ano nga ba ang magagawa ko. Tila ang loob ko’y unti-unting nahuhulog sa ‘yo. “Tinatanong ko ang aking sarili kung ikaw ba’y aking gusto.Ngunit ang isip ko’y nagsi-mulang magtalo. Maaaring hindi ang bulong ng isipan ko.

“Pero narararamdaman ko na sigaw ng puso ko ay oo. May mga oras na isip ko’y gulung-gulo. “Sapagkat hindi ko na malaman alin ba ang totoo. Hindi ko kailanman pinlano na magkagusto sa ‘yo.

“Hindi ko din alam kung tama bang sundin ang puso ko. Alam mo ba na mahirap kang basahin. “Kaya tila bang kay hirap mong mahalin. Sa takot na hindi mo ko kayang saluhin.

“Ayos lang basta kailanman wag mo akong lolokohin. Ninanais kong malaman ang tunay na nilalaman ng puso mo. “At magbakasakali kung pangalan ko ba ang sinisigaw nito. Nais kong malaman ang tunay kong halaga sa ‘yo.

“Pero ako ay natatakot na malaman ang totoo. Tila sa puso ko’y ikaw lang ang tanging nakikita. “Dapat na bang aminin a-king sinta? Tama bang sabihin sa iyo? Tamang panahon na lang ang hinihintay ng puso ko.”

As expected nag-trending topic ang Valentine date ng AlDub last Saturday na nagsimula sa isang road trip. Si Alden mismo ang nagmaneho ng sasakyan habang katabi niya sa passenger’s seat si Yaya Dub.

Sa may overlooking area ng Taal Vista Hotel sa Tagaytay dinala ni Alden si Maine kung saan may naka-set up na table para sa kanilang dalawa.

Dito na nga binasa ni Yaya ang kanyang tula kay Alden na talaga namang patok na patok.sa kanilang mga tagasuporta. Pero mas kinilig pa ang AlDub Nation nang muntik halikan ni Alden si Maine sa lips.

Mabilis namang kumalat sa social media ang mga litratong kuha sa Valentine date ng dalawa kabilang na ang mga larawang mismong ipinost nina Alden at Maine sa kanilang social media accounts.