Ediie Villayor 56, pumanaw na ang bunsong kapatid ng Superstar

Pumanaw na ang bunsong kapatid ni Nora Aunor na si Eddie 'Buboy' Villamayor kaninang bandang alas-kuwatro ng madaling-araw, June 27.

Siya ay 56 years old.

Matagal na naratay sa FEU Hospital si Eddie pagkatapos niyang ma-stroke noong July 2015.

Matatandaang nito lamang Mayo ay naghayag ng kanyang saloobin si Nora tungkol sa hindi diumano pagdalaw ng kanyang mga anak sa kanilang Tito Buboy, na matagal nang nakaratay sa ospital.

Read: Nora Aunor disappointed with children for not visiting their sick uncle

At pagkalipas lamang ng ilang linggo ay tuluyan na ngang binawian ng buhay ang kapatid ng Superstar.

Ibuburol ang mga labi ni Eddie sa Loyola Columbary, sa Commonwealth, Quezon City, simula mamayang gabi.

Nagpaabot na ng kanilang pakikiramay ang ilang mga kasamahan niya noon sa industriya; kabilang na ang '70s matinee idol na si Arnold Gamboa at ang dating entertainment columnist na si Baby K. Jimenez.

Lingid sa kaalaman ng marami, si Eddie ay naging child star at teen star noong dekada '70.

Ilan sa mga pelikulang nagawa niya ay ang Banaue (1975), Alkitrang Dugo (1975), at Minsa'y Isang Gamu-gamo (1976).

Gumanap na magkapatid sina Nora at Eddie sa Minsa'y Isang Gamu-gamo, kung saan binitawan ng Superstar ang classic line niyang 'My brother is not a pig...' matapos barilin ng sundalong Amerikano ang karakter ni Eddie dahil napagkamalang baboy-ramo. Naging makulay rin ang buhay pag-ibig ni Eddie dahil sa pagkakaugnay niya noon sa dating ka-love team na si Winnie Santos, isa ring sikat na teen star noong '70s at nakababatang kapatid ng Star For All Seasons na si Vilma Santos.

Sinasabing maraming hindi sang-ayon sa pag-iibigan nina Eddie at Winnie dahil sa matinding kumpetisyon noon ng kani-kanilang mga kapatid.

Sina Eddie at Winnie ay naging bahagi ng Apat Na Sikat, na kinabibilangan din nina Maribel Aunor at Arnold Gamboa.

Kalaunan ay pinalitan si Eddie ni Dondon Nakar.

Janice de Belen takot na takot ‘makipag-sex’ kay Liza Diño

LAST pala kinunan ang love scene nina Liza Diño at Janice de Belen for “Ringgo The Dog Shooter” where they play lesbian lovers.

“Nakikita ko sa kanya ang discomfort. And when I felt na she’s comfortable with that ay nag-usap kami, nagkukuwentuhan kami. Ikinukuwento ko sa kanya ang relationship namin ni Aiza para kahit paano ay malaman niya,” say ni Liza.

Aminado naman si Janice na she keeps postponing the shooting of the love scene as she wasn’t ready during that time.

“Gawin na natin ‘to. Bahala na,” say ni Janice.

Alas kuwatro na ng madaling-araw nang gawin nila ang love scene. That was the most daring scene that Janice did in a movie.

“Parang wala naman,” sagot ni Janice when asked kung there was a time na may nanligaw sa kanyang tomboy.

“I think the hardest part, as I expressed my discomfort and nervousness, ang worry ko is how I would make Liza feel comfortable kasi hindi siya ito, ako talaga ito. Ako talaga ang may problema,” say ni Janice

Team Dingdong-Marian may babala sa mga nagpo-post ng litrato at video ni baby Zia

BAWAL na palang mag-post ng video ni Baby Zia, anak nina Marian Something and Dingdong Dantes.

We chanced upon this message on the Instagram of Team Marian which said, “IMPORTANT REMINDER: Please be advised to always err on the side of caution when using Baby Zia’s pictures online. While apps are cute and fun, ask yourself first if they’re appropriate for a 6 month old baby. Thank you for your cooperation and understanding on this matter.”

The caption said, “PLEASE READ and take caution. Marian would appreciate it if you remove some of the recent videos posted on social media with Baby Zia’s face on them. Thank you.”

We don’t know kung bakit nag-impose ng ganitong sanction ang Team Marian but we totally understand where they are coming from.

Xian Lim isinugod sa ospital matapos malason

ISINUGOD sa ospital ang Kapamilya hunk actor na si Xian Lim kamakalawa ng umaga.

Mismong si Xian ang nag-post sa kanyang Instagram account ng kanyang litrato habang nakahiga na kuha sa loob ng ospital. Sey ng rumored boyfriend ni Kim Chiu, nag-post siya ng ilang photos sa IG habang nasa ospital dahil bihira raw siyang magkasakit at maospital.

Balitang bigla na lang sumakit ang katawan, nilagnat at nahilo ang binata sandi ng food poisoning. Hindi naman sinabi ni Xian kung ano ang nakain niya bago naganap ang pagsakit ng kanyang tiyan at katawan.

“So…This happened…#kailanganIpostDahilminsanlangto #anongnangyari #umiikotpaninginko #painlevelfrom1-10feelingko7.5!” ang nilagay na caption ni Xian sa isang litrato na ipinost niya sa IG.

Cedric Lee tinuluyan si Vina, kinasuhan ng 5 counts of libel

FIVE counts of libel ang isinampa ni Cedric Lee laban sa ina ng kanyang anak na si Vina Morales. Tinuluyan na nga ng negosyante ang kanyang ex-girlfriend at pormal nang naghain ng demanda sa Office of the Provincial Prosecutor sa Cabanatuan City, Nueva Ecija, nitong Lunes nang hapon.

Ayon sa report, itinanggi ni Cedric ang lahat ng paratang ni Vina sa kanya, kabilang na ang sapilitang pagtangay sa anak nilang si Ceana sa loob ng siyam na araw. Hindi rin daw totoo na nagka-trauma ang bata matapos manatili ng ilang araw ang bata sa kanyang pangangalaga.

Desidido si Cedric na ipaglaban ang mga karapatan niya sa anak at mapatunayan sa korte na puro kasinungalingan ang pinagsasabi ni Vina laban sa kanya. Bukod dito nakatakda ring magsampa ngayong araw ng isa pang libel case sa Caloocan City si Cedric, pati ang kapatid na si Bernice Lee, laban kay Vina.

Sa huling panayam kay Vina sa nakaraang presscon ng seryeng Born For You sinabi nitong bahala na ang kanyang abogado sa mga libel case na isasampa ni Cedric Lee. Handa raw siyang lumaban para sa kapakanan ng kanyang anak.

Sunshine kinasuhan na ang asawa at ang bago nitong dyowa: Walang pata-patawad!

KINASUHAN na ni Sunshine Dizon ng R.A. 9262 ang kanyang mister na si Timothy Tan. Dagdag na asunto rin ang concubinage at kasama niyang kinasuhan ang babaeng sinasabi niyang kinasama ng kanyang mister sa mismong gusali kung saan din sila nakatira ng kanyang mga anak.

Ang pagpo-post ni Sunshine ng mga saloobin niya sa social media ay nauwi na nga sa korte, tinotoo ng aktres ang kanyang sinabi na magkikita-kita sila sa husgado, pero nilinaw ng kanyang abogado na wala pa sa kanyang plano ang pagpapawalang-bisa sa kasal nila ni Timothy Tan.

Nakakagulat ang rebelasyon na laman ng salaysay ni Sunshine. Nasa 9th floor sila ng kanyang mga anak, pero nasa 12th floor lang pala ang babae at ang kanyang mister, hindi man lang daw inilayo ni Timothy ang paggawa ng milagro.

Ngayon ay matindi ang paninindigan ni Sunshine na ilalaban niya ang kanyang karapatan bilang legal na misis, kasama rin sa pakikipaglaban niya ang dalawa nilang anak ni Timothy Tan na ayon sa aktres ay ninakawan ng malasakit at pagmamahal, wala sa kanyang bokabularyo ngayon ang pagpapatawad.

Sabi sa amin ng kaibigan ni Sunshine Dizon na may malalim na alam sa kuwento, “Awang-awa ako kay Sunshine, tine-trace pa niya kung nasaan ang babae, ‘yun pala, e, nasa mismong building lang kung saan sila nakatirang mag-iina.” Sino nga naman ang mag-aakala na nasa tabi lang pala ng simbahan ang pasugalan?

Jessy nilaglag si Nadine sa FHM Sexiest poll

NADINE Lustre out! Jessy Mendiola in! Nalaglag na nga ang girlfriend ni James Reid sa latest result ng online poll para sa “FHM 100 Sexiest Women in the World 2016.” Base sa inilabas na report ng nasabing men’s magazine, nangunguna na sa bilangan si Jessy at nasa second spot na si Nadine.

Nasa ikatlong puwesto naman si Jennylyn Mercado, na itinanghal na sexiest woman last year. Nananatiling nasa number 4 spot si Angel Locsin at ikalima naman si Rhian Ramos.

Feeling namin, malaki ang naitulong ng mga sexy photos na ipinopost ni Jessy sa kanyang IG para manguna siya sa latest survey. Halos araw-araw nagpo-post ang Kapamilya actress ng kanyang bikini bod na talagang ipinaglalaway ng kalalakihan.

Kung ayaw n’yo sa akin, wala naman akong Pake

HINDI naman siguro ambisyosa si Kiray Celis sa mga gusto niyang maging leading man sa anim na pelikulang gagawin niya sa Regal Entertainment, nauna na riyan sina Derek Ramsay at Kean Cipriano sa “Love Is Blind”.

Susundan ito ni Enchong Dee sa “I Love You To Death” na mapapanood na sa Hulyo 6 mula sa direksyon ni Miko Livelo.

Ito ang ikalawa sa anim na pelikulang gagawin ni Kiray sa Regal Films ni Mother Lily Monteverde. At balita namin talagang bibigyan ni Mother ng choices ang komedyana kung sinu-sino ang gusto nitong makatambal sa susunod niyang mga proyekto. Inamin naman ng dalaga na isa sa pangarap niyang maging leading man ay ang long time crush niyang si Sam Milby.

Hindi naman imposible dahil nakagawa na ang aktor sa Regal noong nakaraang taon, ang “The PreNup” kasama si Jennylyn Mercado. Inamin sa amin ni Kiray na matagal na niyang sinabi sa Regal matriarch na si Sam ang gusto niyang leading man sa susunod at ayon naman lay Mother Lily ay nabanggit na nila ito sa talent management ng aktor na sobrang abala ngayon sa taping ng Doble Kara with Julia Montes.

Samantala, sa katatapos na presscon ng “I Love You To Death” ay naihambing si Kiray kay Jennylyn Mercado kaya natanong ang komedyana kung ang GMA actress ang peg niya na pawang guwapo ang leading man.

Sabi ni Kiray, “Oo nga may nagtanong sa akin niyan, parang si Jennylyn daw ang peg ko, parang ang layo ko naman kay Jen. Ang dami na niyang napatunayan. Wala akong peg, gusto ko sarili ko lang, wala akong gustong sundan pero ang idolo ko talaga ay sina Eugene Domingo at Ai Ai delas Alas.

“Pero hindi ko sila gustong sundan kasi hindi ko sila masusundan kahit anong mangyari, hindi ko kaya ‘yun, gagawin ko ang lahat para sa akin, gusto ko makilala ako bilang Kiray Celis hindi dahil pineg ko si Eugene o si Ai Ai.”

Ano naman ang nararamdaman ni Kiray sa mga nagsasabing feelingera siya o nagmamaganda? “Eversince naman kasi nu’ng bata ako, ganyan na sinasabi sa akin. Sa Goin’ Bulilit nga, parang sobrang used to it, hindi naman ganu’n ang tingin ko sa sarili ko, eh. Kung hindi mo ako magustuhan ng ganu’n, wala akong pakialam sa ‘yo,” katwiran ni Kiray.

May malditang fan na nagsabi na sana daw ay gumawa ng version si Kiray ng horror film na “Child’s Play” (Chucky doll), “Ay nabasa ko nga, pero natawa lang ako, eh, natatawa ako sa mga taong lumalait sa akin, pero kapag nakikita ko ng personal, nagugulat sila hindi ko alam kung bakit, pero ayokong magyabang kasi sabi nila, ‘Maganda ka pala?’

“Hindi kasi ako pangit, hindi ako pangit na tulad ng napapanood ninyo sa TV, hindi ako ‘yun. Kapag nakita n’yo ako ng personal, maayos naman ako,” sabi pa ng komedyana.

Kiko Vs Baron, Tuloy na ang Salpukan

TULOY na tuloy na nga ang naudlot na rambulan nina Baron Geisler at Kiko Matos na magaganap sa Valkyrie at the Palace sa June 25 pero nag level up na ito mula sa isang away sa bar to a mix martial arts cage match
Sa isang press conference nagkapirmahan na ng kontrata ang dalawa sa pamumuno ng Universal Reality Combat Championship. Ito ay bilang pagbibigay na rin ng tuldok ang away nila.
Ito ang unang pagkikita ng dalawa matapos ang away nila.
Matatandaang nagkasuntukan ang dalawa sa isang bar. Ayon sa isang witness, nagkagulo lang ng sinubukan pagsabihan ni Baron si Kiko matapos nitong sigaw sigawan ang isang waiter at doon na naganap ang insidente. Hinamon naman sila ng URCC na tapusin ang laban sa pamamagitan ng isang cage match kung saan pumayag ang dalawa.
Pinost naman ng MMA Philippines sa kanilang Facebook page ang naturang ‘face-off’ na may caption na: “Mahal kita, pero ‘di tayo bati!” Baron Geisler and Kiko Matos press con, contract signing, and face-off. Sh*t got real. #URCCFightNight #MMAPhil“
Ang cage match na ito ay isang special exhibition match para sa URCC FightNight na magaganap din sa araw na yon.

Sheryn sinadyang sapawan si Jona sa ASAP, minura ng netizens

SINAPAWAN ni Sheryn Regis si Jona Viray nang magkaroon sila ng duet recently.

Kinanta nila ang Simon & Garfunkel hit na “Bridge Over Troubled Water” at doon nangyari ang sapawan. As reported by a website, “The supposed to be a duet turned out to be an advantage to Sheryn to intimidate Jona. Sheryn Regis has nothing to offer but her shrill voice! Shouting is different from reaching high notes.”

Napanood namin ang video ng controversial production number and we felt na talagang nag-effort si Sheryn na manapaw. Buti na lang at on her toes si Jona at hindi ito nagpasindak. Comments against Sheryn surfaced on the said website. “Sheryn Regis is the worst Philippine Diva who has done nothing but outshine her duets,” said one female fan.

“Queen of SAPAW is back Sheryn Regis!!!! Hehehehe!” wailed one guy. “Kahit kelan talaga sapawera ‘tong si Sheryn. We all know that u can belt! No wonder you got kicked out from #ASAP,” say ng isa pang guy.

“Nakakaloka naman itons si SHERYN REGIS! Oo alam naman ng lahat na magaling sya pero JUSKO naman hanggang ngayon SAPAWERA PA RIN!” tili naman ng isa pang guy. “Grabe yung birit ni Sheryn Regis. Parang masakit pa rin sa kanya ang pagkatalo kay Eric Santos,” obserbasyon naman ng isa pa.

Baron Geisler hindi na mabubuhay ng walang alak wa epek ang rehab

HINDI talaga hanapbuhay ang hanap ni Baron Geisler, away ang palagi niyang hinahanap, puwede niya namang iwasan ‘yun kung magpapairal lang siya ng disiplina sa iisa niyang buhay.

Pero hindi ganu’n ang ginagawa ng magaling pa namang aktor, pagitan lang nang ilang araw ay sangkot na naman siya sa gulo, siya na naman ang pinagpipistahan ng ating mga kababayan habang tungayaw nang tungayaw sa kalye.

Naiimadyin namin ngayon ang kanyang pamilya. Gaano kaya kakabado ang mga ito kapag umalis na ng kanilang bahay si Baron? Ihinahanda na kaya nila ang kanilang loob na madadamay na naman sa gulo si Baron o sanay na sanay na sila?

Minsan na kaming pinuntahan ng nakatatanda niyang kapatid, humihingi ito ng tulong, paano raw kaya ang kanilang gagawin dahil palagi na lang problema ang iniuuwi ni Baron sa kanilang pamilya? Nagpa-rehab na nga si Baron, pero wala rin namang nangyari, para siyang mamamatay kapag hindi nasasayaran ng alak ang kanyang lalamunan.

Kung ang ibang tao ay adik sa ipinagbabawal na gamot, ang adiksiyon naman ni Baron ay alak, parang nanghihina siya kapag hindi nakalalaklak. Walang ibang makatutulong kay Baron kundi ang sarili lang niya. Kahit ano ang gawin ng ibang tao, kung siya mismo ang hindi magbabago, ang lahat ng payo ay mauuwi lang sa wala.

Pacman sa 2 anak:Nagmo-model lang sila, wala pang planong mag-artista!

NILINAW ng Pambansang Kamao na si Manny Pacquiao na hanggang pagiging model lang muna ang gagawin ng kanyang mga anak na sina Jimuel at Michael.

Ayon kay Pacman, wala pang plano ang mga bagets na pasukin na rin ang pag-aartista.

Sa panayam ng ABS-CBN sa bagong halal na senador, proud na proud daw siya sa kanyang mga anak dahil bukod sa matatalino ay mababait pa ang mga ito at masunurin sa mga magulang.

Nang makita nga raw niya ang pictorial ni Jimuel ay talagang ang saya-saya niya lalo na nang mabasa niya ang mga komento ng mga followers nila ni Jinkee sa social media. Nagpapasalamat nga raw siya sa mga pumupuri sa dalawang anak.

“I’m so proud of my sons Jimuel and Michael na pinasok nila ang modelling at mababait silang mga anak at masunurin,” ang chika ni Pacman sa nasabing panayam.

Ngunit ipinagdiinan ng nanalong senador na hindi pa naman daw tuluyang papasukin nina Jimuel at Michael ang pag-aartista.

“Hanggang modelling lang muna. Ha-hahaha! Number one ang education and I teach them to humble themselves before others,” pahayag ng Pambansang Kamao.

Nang tanungin naman kung may wish pa ba siya sa darating na Father’s Day, sagot ni Manny, “Wala, basta happy lang ako at magkakasama kami.”

Sa mga litratong nakita namin na kuha sa isang event na ginanap sa mismong mansion nina Manny at Jinkee sa Gen. Santos City kamakailan, mukhang hindi nga nawawalan ng bisita ang pamilya Pacquiao. Ang nasabing bahay ay tinatawag nilang “Mansion Number Two” dahil tatlo na nga ang mansion nina Pacman.

Yung una nilang mansion ay hindi na nila tinitirhan na itinuturing na rin ngayong tourist attraction sa GenSan. Ang ikatlo naman nilang property ay under construction pa hanggang ngayon.

pacman and sons

Aljur umamin na: Nakaka-in love talaga si Janine

HINDI maitatanggi na may kakaibang bond nang nabubuo sa pagitan ng Once Again lead stars na sina Aljur Abrenica at Janine Gutierrez.

In fact, sinabi ni Aljur na hanga siya kay Janine dahil sa mga magagandang katangian nito, “Hindi naman natin maikakaila na ka-in-love-in love talaga si Janine. Wala naman akong nakikitang negative sa kanya.

“She’s very kind, tahimik, masarap siyang kasama. So, yeah, thankful ako na naging magkaibigan kami, at nagkatrabaho kami dito sa Once Again,” nakangiting sabi ni Aljur.

Pero hindi naman daw ibig sabihin ay liligawan na ni Aljur si Janine, alam naman daw niya na meron na itong boyfriend (Elmo Magalona) kaya okay na raw na magkaibigan sila ng dalaga.

Malditang female celebrity kailangan nang turuan ng leksiyon

PINAGPISTAHAN ng mga taga-showbiz sa isang coffee shop ang lutang na lutang na kamalditahan ng isang young actress.

Nagkakaisa sila sa pagsasabing magaling umarte ang hitad, magaling sumayaw, pero kalimutan na sana niya ang pagkanta hanggang makakaya niya.

Sa maraming pagkakataon ay palaging bumibida sa pagmamaldita ang young actress na ang ugat ay galing sa pamilya ng mga artista. Kung makaasta kuno ang girl ay akala mo naman napakarami na niyang napatunayan.

Hindi nila gusto ang pagiging maangas ng young actress, ang pagmamaldita sa kanyang mga kasamahan, kailangan na raw pitikin ng network na nag-aalaga sa kanya ang babaeng ito.

Kuwento ng isang source, “Sobrang feeling ang malditang babaeng ‘yun! Porke ba may mga projects siya sa network na nag-aalaga sa kanya, e, aasta na siya na para bang ka-level na niya ang malalaking artista?

“Tantanan niya tayo, ‘no! Huwag siyang nagmamaldita, dahil kulang na kulang pa ang mga ipinakikita niya! Sobra ang babaeng ‘yun, akala mo talaga kung sino na siya, napakarami pa niyang ipagigiling na bigas bago siya makapagmaldita ng ganyan!

“Kapag ayaw niya, walang magawa sa kanya ang mga taong rumerenda ng career niya. Sosyal siya, di ba? Ang iba ngang kaliga niya na meron nang napatunayan, e, hindi umaarte nang hindi tama!” naiinis na kuwento ng aming source.

Galing sa pamilya ng mga artista ang young actress na itey, pero kahit ang mga kamag-anak niya ay hindi natutuwa sa mga pinaggagagawa niya, nalunod na nga ba sa isang basong tubig ang hitad na ito?

Sundot ng aming impormante sa kanyang pagtatapos, “Bradly Guevarra, ang dali-daling hulaan kung sino siya. Kapatid niya ang sapin-sapin, akay-akay, bibingka at iba pang kakanin! Siya nga nga, blanca!”

Payo kina Luis, Cogie, John at Jake: Wag na wag papatol sa mga kalokahan ni Keanna

NAKIKIPAGSIKSIKAN naman sa pagpapakontrobersiyal ngayon ang tumatanda nang dating sexy star na si Keanna Reeves. Pero kung nagmamagaling si Mocha Uson at ipinaglaladlaran naman ni Ellen Adarna ang kanilang pagsasama ni Baste na anak ni Ka Digong ay iba naman ang atake ni Keanna.

Seksuwal kung seksuwal naman ang kanyang mga drama. Binanggit lang naman niya ang mga pangalan ng mga lalaking nakasama niya sa pagbiyahe sa langit-langitan ng kaligayahan.

Naniniwala siguro si Keanna sa batas ng osmosis, kailangang mga bagets ang nakakasalo sa kama ng babae, para mahigop niya ang kabataan ng lalaki.

Ang mga pangalang buong-ningning na ipinangangalandakan ngayon ng matanda nang sexy star —Luis Manzano, Cogie Domingo, John Prats, Jake Cuenca, Joseph Bitangcol at marami pa sigurong ibang pangalan na nakalimutan na lang banggitin ni Keanna dahil nagkakaedad na siya.

Ibang klase rin naman ang babaeng ito. Ang kanyang mga kabaro, hanggang maaari, ay hinding-hindi aamin sa kanilang pakikipag-one-night-stand dahil nakakahiya ‘yun.

Ang ganu’ng klase ng pakikipagtalik ay hindi maipagmamalaki dahil dikta lang ‘yun ng init ng libido at sakit ng puson at hindi ng puso.

Pero si Keanna Reeves, ipinagbabanduhan pa ‘yun sa buong mundo, wagas na wagas na ipinagsisigawan, para lang siya mapag-usapan. Ano kaya ang naiisip ngayon ng kanyang mga anak na puro lalaki pa naman?

Dapat lang na maging pipi at bingi ngayon ang mga artistang pinangalanan niya, huwag silang sasagot, dahil nag-iingay lang si Lola Keanna.

Panganay ni Pacman kamukha raw ni Zayn Malik ng 1Direction

IN fairness, mas maraming positive comments ang nabasa namin matapos i-post ni Sen. Manny Pacquiao ang litrato ng kanyang panganay na anak na si Jimuel Pacquiao.
Ayon kay Pacman, ito raw ang kauna-unahang photo shoot ng anak para sa first endorsement ng bagets. Kitang-kita sa mga lumabas na picture na nag-enjoy ang bagets sa kanyang pictorial suot ang purple polo shirt on top of a plain white shirt at khaki shorts.
Sa kanyang official Facebook page, ipinost ng proud na proud na tatay ang mensaheng, “My son @pacquiaoemmanuel doing his first photo shoot.”
Narito naman ang ilang komento ng followers ni Pacman sa social media: “Wow! Binata na sya!!! At gwapo pala si Emmanuel!”
“In fair, may dating ang bagets! Hindi nakapagtataka kung papasukin din niya ang showbiz! I’m sure proud na proud din si Jinkee sa kanyang son!”
“Good shot! Cge, hijo! Go for your dreams!”
“Pogi itong anak ni Manny Pacman, may pagkakahawig sila ni Zayn Malik ng 1Direction, lalo na pag my balbas.”
Pero siyempre, kung may nag-encourage sa panganay na anak ni Manny, meron ding nangnega sa binata. Talagang binash nila nang todo ang bagets na akala mo’y wala nang bukas.
Sabi nga ng isang mataray na netizen, “Para saan ang pictorial? Naku, nangangamoy na naman ang angkan nina Manny Jinkee at Dionisia! At ano naman ang ipagmamalaki niyan, aber? Mag-aartista? Aarte? Sus! Tigilan na nga ang kalokohang ‘yan. Pwede pa magboksing ka na lang din para may papalit sa trono ng tatay mo!”
Pang-ookray naman ng isa pang basher, “Utang na loob! Marami na kayong pera, wag nang makigulo sa showbiz. Mag-aral na lang kayong magkakapatid. Huwag nang ipilit ang sarili, please lang!”

Polo na-shock, nag-init ang ulo nang murahin ni Baron sa harap ng dyowa

SUPER nakaka-relate raw si Polo Ravales sa naging experience ng indie actor na si Kiko Matos kay Baron Geisler.
Sa kanyang Facebook account, naglitanya ang dating Kapuso actor tungkol sa diumano’y pambabastos sa kanya ni Baron. Kasama raw niya noon ang kanyang girlfriend, kapatid at sister-in-law.
Kinontrol na lang daw ni Polo ang kanyang emosyon para makaiwas sa gulo dahil nga ayaw na niyang madamay ang kanyang pamilya. Narito ang kabuuan ng FB message ng aktor.
“My thoughts about baron…3 weeks ago i saw him in Starbucks Imperial and then when his GF told him, ‘There’s Polo oh…’
“Instead of saying hi to me he just gave me a bad sign. He said fu%@ you in front of my gf, my brother and his wife.
“At first nagulat ako, napikon and uminit ang ulo… di ko sya pinatulan kasi alam kong di siya normal. Ayoko rin naman magsisi sa huli baka di maganda ang mangyari.
“Sana may makatulong sa kanya. Di lahat ng tao kayang magkontrol. And then after 2 weeks, there’s this incident,” pahayag pa ni Polo na ang tinutukoy nga ay ang engkuwentro sa pagitan ni Baron at ni Kiko during a fundraising event na ginanap sa Tomato Kick Bar, sa Quezon City.
At dahil nga sa bakbakang Baron at Kiko, nakatakdang magbugbugan ang dalawang aktor sa isang MMA exhibition fight ng Universal Reality Combat Championship (URCC) sa June 25, iyan ay kung papayag ang mga ito na magkabati muna bago magharap sa ring.

Wala pang sagot si Baron sa mga naging pahayag ni Polo. Bukas ang BANDERA sa kanyang paliwanag para linawin ang isyu.