Andre mas feel dyowain si Barbie kesa kay Yassi

MALIIT na bagay,” ang pabaklang sey ni Barbie Forteza nang mag-thank you kami sa ibinigay niyang mug mula sa Starbucks bilang bahagi ng kanyang loot bag para sa members of the press.

“Marunong ka na talaga. Ikaw na!” ganting tsika namin sa gesture ng halos hindi nababakanteng young star ng GMA 7. After kasing tumakbo ng halos two years sa ere ang The Half Sisters, agad-agad siyang bibida kasama ang ka-loveteam niyang si Andre Paras sa primetime series na That’s My Amboy.

“When it rains it pours po talaga. Kaya mas sisipagan ko pa po,” sey ng bungisngis na si Barbie na umaming masayang mag-share ng “maliliit” na bagay sa mga taong walang sawang sumusuporta sa kanya.

Very grateful si Barbie sa pagtitiwala sa kanya ng network at masaya rin siyang well-admired and followed ang tandem nila ni Andre kahit pa sa nga may iba pa itong ka-loveteam bukod sa kanya.

“Ganu’n po talaga. Thankful na rin ako na mature na ang mga fans namin. Paano na lang kung hindi kami klik, baka kahit yema ay wala akong maibigay sa inyo,” ang muling hagikhik ng dalaga sabay hirit na matagumpay nga ang “yema business” na pinuhunanan niya with her mom and aunt lalo na raw noong nakaraang holidays.

Abangan daw natin ang susunod na business venture na papasukin niya at ang kakaibang Barbie na magpapatawa at magpapaiyak sa atin sa That’s My Amboy na nagsimula na kahapon sa GMA Telebabad.

Yes, nag-level up na nga ang AnBie loveteam dahil after nilang maging hari at reyna sa hapon dahil sa tagumpay ng Half Sisters susubukan naman ang powers nila sa primetime.

“Mature at matatalino na po sila,” sagot naman ni Andre Paras sa amin hinggil sa pagtanggap ng kanyang fans sa tandem nila ni Barbie sa TV at sa loveteam nila ni Yassi Pressman sa movies.

Kaya nga raw maingat sila sa pagtanggap ng mga project dahil dito, “We see to it that every project is different and every detail of our character is made as almost tailored or fit sa amin.

Halimbawa po, pag ang role ay na-identify na sa isa, dapat iba na yung sa isa. Salamat naman po that it works well dahil maganda ang reception ng audience,” paliwanag ng batang aktor na isa nga sa pinakamatagumpay ngayon sa bakuran ng GMA 7.

Sunod-sunod din ang projects ni Andre sa pagsisimula pa lang ng 2016. Lucky nga raw siya dahil on both TV and movies ay sinusuportahan siya ng publiko. Very soon nga ay ipalalabas na rin ang “Girlfriend for Hire” movie niya with Yassi under Viva Films.

Kaya naman nang itanong namin kung sino between Barbie and Yassi ang talagang nagpapakilig at nagbibigay ng saya sa kanya, “Magkaiba man sila pero one for thing is for sure, sila yung papangarapin mong makasama talaga.”

Pero sa isang banda, nagbigay siya ng clue na since mas matagal ang TV show kesa sa movie, mas nagtatagal daw ang kilig at saya with someone like Barbie. Meaning mas posibleng maging sila ni Barbie in real life!

Jasmine nilandi, hinalikan ng BF ni Anne; netizens nandiri

Kaagad na dinelete ni Jasmine Curtis ang isa niyang photo kung saan kini-kiss siya ng boyfriend ng kanyang ate Anne Curtis na si Erwan Heussaff. Sa photo ay parang niyayakap siya ni Erwan sabay kiss sa kanya. Apparently, it was taken during a pool party.

Aware siguro si Jasmine na hindi magiging maganda ang interpretation ng netizens sa photo niyang iyon as it captured her in a sweet moment together with her sister’s boyfriend kaya naman tinanggal niya iyon kaagad sa kanyang Instagram account.

But it’s too late as the photo surfaced in one popular website. Ayun, nega ang reaction ng mga tao sa kanila ni Erwan. “OMG ano ito?!? Too close at wala talagang shirt si Erwan?!” “Liberated ba Kamo? LOL! Ito dapat sampalin ni Momi Ann.”

“At kiniss pa talga nung boylet. Lakas makajowa nga graveh. Kung ako gf magagalit ako. May kilala akong ganyn magkapatid tinuhog. Hahaha.” “Kahit ano pang lahi inappropriate yan. Nakakadiri.”

Baka naman talagang close lang sina Jasmine at Erwan dahil matagal na rin namang magdyowa ang ate niya at ang brother ni Solenn Heussaff.

Parang balewala na lang sa kanila ang mga landiang ganyan dahil parang magkapatid na rin ang turingan nila.

Bashers nina Alden at Yaya Dub natameme; unang Aldub library sa Laguna bukas na

SINO ngayon ang magsasabing puro kilig at tili lang ang pakinabang sa tambalan nina Alden Richards at Maine Mendoza?

Wala raw namang saysay ang AlDub, mga bulag lang daw ang kanilang mga tagahanga, kaya sinasabing penomenal ang kanilang pagsikat.

Nu’ng nakaraang Huwebes ay pinasinayaan na ng sikat na loveteam nina Alden at Yaya Dub, Lola Nidora at Lola Tinidora ang pinakaunang AlDub Library sa Lumban, Laguna.

Isa pa lamang ito sa maraming benepisyaryo ng “Tamang Panahon” ng Eat Bulaga at kalyeserye na ginanap sa Philippine Arena na nakalikom nang mahigit na apatnapung milyong piso.

Unang nabiyayaan ang Lumban Central Elementary School, hinandugan sila ng school library ng AlDub, kaya mula sa pusong pasasalamat ang itinatawid ngayon ng pamunuan ng nasabing paaralan sa penomenal na tambalan, sa noontime show at sa AlDub Nation, na ginawang posible ang pangarap ng Eat Bulaga na makapag-ambag ng library sa maraming paaralan.

Ang kanilang sigaw, “Ito na ang tamang panahon para magbasa,” kumpleto sa mga computer at librong kailangan ng mga mag-aaral ang unang AlDub library.

Mabuhay ang Eat Bulaga! Mabuhay ang tambalang AlDub, mabuhay ang AlDub Nation, mabuhay ang lahat ng mga kababayan nating sumuporta sa proyektong ito ng noontime show.

Dahil sa kadakilaan ng kanilang puso ay mas maraming kababayan natin ngayon ang nagdarasal na sana’y magtagal pa ang tambalan nina Alden Richards at Maine Mendoza.

Joross ‘no comment’ sa kumalat na sex video

NO comment!” Ito lang ang naisagot ni Joross Gamboa nang tanungin tungkol sa kontrobersiyal na sex video na kumalat kamakailan.

Sa panayam ng ABS-CBN sa aktor, tumanggi itong magpaliwanag sa nasabing video scandal. Wala rin daw siyang gustong sabihin sa mga taong nakapanood at nagbibigay ng kanilang mga komento tungkol dito.

Nakabalik na sa bansa si Joross matapos ang ilang araw na bakasyon abroad kasama ang kanyang asawa at anak. Nasa ibang bansa siya nang kumalat ang sinasabing sex video kung saan mapapanood ang isang lalaking kamukhang-kamukha niya habang pinapaligaya ang sarili.

Ayon sa naunang mga ulat, aware si Joross na pinag-uusapan siya sa buong universe matapos ngang mag-viral ang nasabing video. Marahil, nagdesisyon na ang pamilya ng aktor na huwag nang mag-explain in public para hindi na humaba pa ang kontrobersiya.

Samantala, pagkabalik ng Pilipinas, sumabak agad sa trabaho ang aktor, mapapanood si Joross ngayong gabi sa isa na namang espesyal na episode ng Maalaala Mo Kaya kasama ang dati niyang girlfriend na si Roxanne Guinoo.

Gagampanan ni Joross ang karakter ng isang transgender woman na mai-in love sa asawa ni Roxanne to be played by Polo Ravales. Ang nakakaloka sa episode na ito ng MMK, pumayag si Roxanne na tumira sa iisang bahay kasama ang transgender lover ng kanyang asawa.

“Parang ang dating nito ay reunion namin dalawa. Kung before, magka-love team kami, ngayon magkaribal kami,” chika ni Joross sa panayam ng ABS.

Claudine nakiiyak sa pagkawasak ng pamilya ni Ciara: Ramdam na ramdam ko ang sakit!!!

AWANG-awa at nakiiyak din si Claudine Barretto sa pagkawasak ng pamilya ng kanyang kaibigan na si Ciara Sotto. Nakipaghiwalay daw ang anak ni Sen. Tito Sotto kay Jojo Oconer nang mabuking nito ang pambababae ng asawa.

Naging malapit sa isa’t isa sina Ciara at Claudine nang magkasama sila noon sa programang Buttercup ng ABS-CBN noong 2003. Narito ang mensahe ni Claudine kay Ciara.

“I just want to honor this great friend & sister of mine Ciara Sotto. I can imagine the amount of pain u have to go through every single day. U r one of the best person I know in this world & it pains me that u have to go through all these.
“Know that I have your back & will hold ur hand & we will get through this together. Gods plan r better than ours he sees & feel ur pain. I luv u so much @pinaypole #sistersforlife. Claudinians & I are here for you.”

Sumagot naman si Ciara ng, “Waaaaaaaaaaah Clau…..Ayoko na umiyak but thank you. Always remember that I love you.” Na sinagot naman ni Claudine ng, “@pinaypole, I couldnt stop crying for u.
I’m devastated. I see u this week. Let’s do something. I luv u Ciara.”

Dalawa ang pangalang lumutang na sinasabing posibleng dahilan ng paghihiwalay nina Ciara at Jojo.
Una nang napabalita na may kinalaman daw ang Sunday PinaSaya star na si Valeen Montenegro sa nasabing break-up pero itinatanggi na ito ng kampo ng dalaga.
Ngayon naman ay may tsismis na baka raw si Julia Clarete ang dahilan ng hiwalayang Ciara-Jojo dahil bigla nga itong nawala sa Eat Bulaga. Nasa Kuala Lumpur, Malaysia na ngayon si Julia kasama ang kanyang pamilya.

May mga followers si Julia sa social media na nagtatanong kung totoo ang tsismis pero hanggang ngayon ay hindi pa sumasagot ang dating host ng Eat Bulaga. May one night concert si Julia next week dito sa Manila, baka doon magsalita na siya tungkol sa ahasan issue. Hintayin na lang natin.

Maine, Pops nagkakilala na sa burol ni Kuya Germs

FINALLY, nagkita na nang personal ang celebrity look-a-like na sina Maine Mendoza at Pops Fernandez. Nangyari ang pagkikita ng Concert Queen at Dubsmash Queen sa burol ni Kuya Germs nitong Martes ng gabi sa Mt. Carmel Church sa Q.C..

Hindi pa masyadong close si Yaya Dub kay Kuya Germs pero pumunta pa rin siya sa lamay para makiramay sa pamilya ng TV host-comedian – at bilang respeto na rin sa kapwa niya Kapuso star na itinuturing nang haligi ng showbusiness.

Sa ilang litrato na nakita namin sa social media, nakunan nga ang ka-loveteam ni Alden Richards na katabi si Pops kasama ang anak-anakan din ni Kuya Germs na si Vina Morales.

Maraming AlDub fans ang nagsasabi na magkamukha sina Maine at Pops, pwedeng-pwede nga raw silang gumanap na mag-ina sa teleserye o pelikula. Nauna nang sinabi ng Concert Queen na gusto niyang makilala nang personal si Maine.

Marlo Mortel pinagnanasahan ng mga beki dahil sa UKG at Kris TV

Gusto namin ang attitude ng Kapamilya singer-actor na si Marlo Mortel. Matagal na nating nasusulat ang masaya at maganda naming experience kay Marlo kaya’t naniniwala kaming hindi siya nagtatanim ng galit o sama ng loob.

Sa tagumpay ng MMFF entry niyang “Haunted Mansion” kasama si Janella Salvador, posibleng magkasama uli sila ng Kapamilya teen star sa pelikula matapos ngang buwagin ng ABS-CBN management ang loveteam nila.

Busy ngayon si Marlo sa trabaho. Halos araw-araw ay napapanood siya sa Umagang Kay Ganda at Kris TV bilang co-host na bagay naman sa kanya. In fairness, refreshing ang aura ng binata sa dalawang morning show ng Dos.

Mas dumami pa nga ang fans niyang beki na tumututok talaga sa kanyang morning shows. Marami rin siyang mga singing gigs outside Metro Manila gaya ng Bulacan, Bicol, Antipolo at iba pang lugar kung saan nakasama rin kami.

“Wala na lang negative Kuya Ambet. Mas nakaka-attract ng positive vibes kapag may tiwala at pagmamahal ka sa ginagawa mo. Chill lang,” sey pa ng magaling at mabait na singer-actor-host sa amin tungkol sa paghihiwalay nila ni Janella bilang magka-loveteam.

Kuya Germs pumanaw na

ISANG taon matapos magkasakit at makarekober, tuluyan nang namaalam kaninang madaling araw ang prominenteng comedian at TV host na si German Moreno.  Siya ay 82 anyos.

Sa report ng Radyo Inquirer, inisyu ang pahayag nang pagpanaw ni Moreno, mas kilala sa tawag na “Kuya Germs”  ng kanyang pamangkin at co-host na si John Nite.Binawian ng buhay si Kuya Germs sa St. Luke’s Medical Center dahil sa cardiac arrest, alas 3:20 ng umaga.

Ayon kay Nite, napapaligiran ng kanyang mga mahal sa buhay si Kuya Germs hanggang sa huling sandali ng kanyang buhay.

Si Kuya Germs ay nakilala sa pagdiscover ng mga bigating artista mula sa kanyang tanyag na TV show noong dekada 80 na “That’s Entertainment”.

Siya rin ang host ng popular na programang “Walang Tulugan”.

Noong Enero, 2015, isinugod sa ospital si Kuya Germs matapos atakihin sa puso, ngunit nakarekober, at muling nakabalik sa showbiz, at nakapaghost pa ng kanyang programa sa telebisyon at radyo.