Malaking Selebrasyon abangan sa GMA Countdown To 2016

NGAYONG Dis. 31 (Huwebes), sabay-sabay salubungin ang bagong taon na puno ng sorpresa at kasiyahan dahil handog ng GMA Network ang isang pagtatanghal kasama ang mga paboritong Kapuso stars.

Sa Countdown to 2016, kaabang-abang ang mga inihandang pasabog kasama ang mga hosts sa pangunguna nina Kris Bernal, Andrea Torres, Betong Sumaya, at ang Pambansang Bae na si Alden Richards.

Isang makulay na pagsalubong sa bagong taon ang tiyak na magaganap dahil inaanyayahan ang lahat na duma-ting suot ang kani-kanilang mga costumes. At dahil nga nais ng GMA na magmahalan tayo nga-yong Pasko, magsimula nang mag-post ng mga gree-tings at selfies gamit ang hashtag na #Kapuso2016. Ang mapipiling selfie ay magkakaroon ng pagkakataon na makasama ang Pambansang Bae sa isang production number.

Mapa-comedy, kantahan o sayawan, talaga namang nangunguna ang Kapuso Network. Kaya naman ihanda na ang mga sarili dahil makakasama ang mga Kapuso artists kabilang sina Rocco Nacino, Mark Herras, Sef Cadayona, Julian Trono, Winwyn Marquez, Mayton Eugenio, Gerphil Flores at ang Starstruck Top 6.

Siguradong kakikiligan din ang mga performances mula sa on-screen loveteams na sina Gabbi Garcia at Ruru Madrid; at Bianca Umali at Miguel Tanfelix. Hindi rin dapat palampasin ang inihandang fireworks display na siguradong magpapamangha sa mga fans at viewers.

Maging bahagi sa isang engrandeng selebrasyon sa GMA Countdown to 2016 na magaganap sa SM Mall of Asia 

Seaside Boulevard sa Dec. 31. Magbubukas ang mga gates ng 5 p.m. at live telecast sa GMA ng 11 p.m.

Erik Matti sa MMFF scandal: Akala nila lahat ng tao pag niloko tatameme lang!

AYAW magpaawat ni direk Erik Matti sa katatarang sa Twitter.

“We thought we were just doing a small film that will only appeal to a few. Thank you #MMFF2015 for the buzz you created. #HonorThyFather.”

“Akala nila lahat ng tao pag niloko tatameme lang kasi makapangyarihan silang mga haligi ng industriya. #MMFF2015Scandal.”

‘Yan ang latest na nakakalokang tweet niya. Earlier, he dropped hints in a blind item na meron ngang nangyaring sabotahe sa pelikula niyang “Honor Thy Father.” Meron daw kasing MMFF organizer na kasosyo sa isa o dalawang filmfest entries? “Tingnan ang winners. Nandiyan lang ang sagot. #MMFF 2015Scandal.#RIPMMFF,” tweet niya.

KrisTek love story pinatunayang #WalangForever

Pagkatapos ma-sangkot sa iskandalo dahil sa kanilang “bawal” na relasyon, dismayado rin ang mga tagasuporta nina Kris Aquino at Herbert Bautista nang mabalitang hindi na matutuloy ang gagawin nilang pelikula para sa MMFF. Kung matatandaan, nagkaroon ng drama queen moment si Kris nang bigla itong mag-inarte na hindi na niya gagawin ang “All You Need Is Pag-ibig” dahil sa kung anu-anong dahilan. Todo-post si Tetay sa kanyang social media accounts ng iba’t ibang rason kung bakit hindi niya puwedeng gawin ang pelikula. Pero, bottomline, ayaw lang talaga niyang makasama uli si Bistek dahil may “pain” pa rin daw siyang nararamdaman.

Mocha, Jim Paredes nagkainitan dahil kay Duterte

Nagkasagutan sa kanilang Facebook account ang sex guru na si Mocha Uson at veteran singer-composer Jim Paredes nang dahil kay Rodrigo Duterte. Nag-post kasi ng “blind item” ang sexy singer laban isang beteranong OPM artist na kilala bilang isang “patriotic family man” na diumano’y napakaplastik at nagmamalinis matapos tirahin si Duterte at tawaging imoral. Sinagot naman ito ni Jim Paredes at sinabing kara-patan niyang maglabas ng kanyang opinyon sa mga national issue kabilang na ang 2016 presidential elections. Nakiusap din ito kay Mocha na magpakatotoo,

JM minalas na sa career, iniwan pa ng dyowa

Attitude problem. Yan ang sinasabing dahilan kaya biglang tinanggal sa seryeng All Of Me si JM de Guzman na ikinabigla ng kanyang mga tagasuporta. May mga bulong-bulungan pa na bumalik daw ito sa kanyang pagbibisyo kaya laging nale-late sa taping ng kanyang serye. Pero mariin itong itinanggi ng aktor.

Ang sinasabi naman ng ilang malapit sa aktor, ang tunay na dahilan daw kung bakit muling napariwara ang binata ay dahil sa biglang paghihiwalay nila ni Jessy. Diumano, ang nanay ng aktres ang dahilan kung bakit muling nag-break ang dalawang Kapamilya stars.

Enrique, Liza, Jessy bidang-bida sa “airplane scandal”

Bentang-benta sa madlang pipol ang sumabog na balita tungkol sa pagwawala ni Enrique Gil sa loob ng eroplano habang patungo sila sa London para sa ASAP20 Tour dahil daw sa sobrang kalasingan. Ayon sa chika, binastos diumano ng binata si Jessy Mendiola hanggang sa madamay si Liza Soberano nang awatin nito ang ka-loveteam. May sampalan pa nga raw na nangyari.

Hindi man idinetalye ni Enrique ang insidente, ma-tapang itong humarap on national TV para akuin ang kanyang pagkakamali kasabay ng paghingi ng sorry sa lahat ng nadamay sa iskandalo.

Nagpasalamat din ito kay Liza dahil hindi siya inwan ng dalaga sa kabila ng mga nangyari.

James Reid, nanggalaiti sa galit ng ibuking ng isang netizen na nahuling nakikipaghalikan kay Julia Barretto

Galit na galit ang ka-loveteam ni Nadine Lustre na si James Reid nang ibuking ng isang netizen na nakita silang naghahalikan ni Julia Barretto sa isang bar. Ayon sa nagpakilalang JaDine fan, magpapa-picture raw sana siya kay James pero dinedma siya nito. Kaya ginantihan niya ito sa pamamagitan ng pagpapakalat ng balita na nahuli niya sa akto na naghahaikan sina James at Julia.

Inilabas ng aktor ang kanyang galit sa kanyang Instagram account at nag-dialogue ng, “Give me a break.

Does anyone really think I would have sex in a bar/public place… Stupid. If e-veryone wasn’t so gullible

I wouldn’t even have to be explaining my private life right now!”