May mga nakakuwentuhan kaming kasamahan sa panulat na naninibago sa sitwasyon ni Alden Richards. Nandu’n ang pagkukumpara, binabalikan nila ang mga panahong hindi pa ganito kasikat ang guwapong aktor, ibang-iba ang kanilang paglalarawan.
Naninibago sila sa sanrekwang bodyguards ng Pambansang Bae, ni hindi na raw tuloy nila makausap man lang si Alden, samantalang nu’ng mga nakararaang taon ay napaka-generous niya sa pakikipagkumustahan sa mga press people.
Ang maganda lang ay hindi si Alden ang sinasabi nilang nagbago, ang sitwasyon lang, dahil biglang sumikat ang singer-actor dahil sa tambalan nila ni Maine Mendoza. Oo nga’t nakabubulag ang kasikatan na maraming artista ang naaapektuhan ay positibo ang sinabi ng aming mga kapwa manunulat, hindi si Alden ang nagbago, kundi ang sitwasyon lang niya ngayon.
Gustuhin man siguro ng sikat na binata na makipagkuwentuhan ay hindi na ‘yun maibibigay ng napakahigpit niyang schedule. Halos wala na siyang pahinga at tulog, katatapos lang ng kanyang kompromiso ay meron na namang kasunod, ‘yun ang kakambal ng kasikatan na kadalasan ay hindi naiintindihan ng marami.
No comments:
Post a Comment